В Атырау
+21 
Атырау полицейлері қоқыс контейнеріне нәжіс қалдықтарын төккен ер адамның жеке басын анықтады.
Оқиға 16 мамыр күні сағат 13:30 шамасында Абай көшесінде, дүкендердің бірінің маңында болған, деп хабарлайды Полиция департаментінің баспасөз қызметі.
"Арнаулы автобаза" ЖШС қызметкерлерінің хабарлауынша, қала аумағын тазалау кезінде олар санитарлық нормалардың өрескел бұзылу фактілеріне тап болған. Кейбір қоқыс контейнерлеріне нәжіс төгілген, ол тіпті жұмысшылардың үстіне шашыраған.
Оқиғалардың бірі Абай көшесінде тіркелген. 1999 жылы туған азамат қоқыс жәшігіне қалдықтарды төгіп, қоғамдық кеңістіктің ластануына жол берген. Бұл құқықбұзушылықты Жедел басқару орталығының бейнебақылау камералары тіркеген. Ер адамның жеке басы тез анықталып, ақпарат патрульдік полицияға тапсырылды.
Бұзушылыққа байланысты ҚР Әкімшілік құқық бұзушылық туралы кодексінің 505-бабы 1-бөлігі («Елді мекендерді абаттандыру ережелерін бұзу») бойынша әкімшілік хаттама толтырылды.