В Атырау
+22 
"ҚазТрансОйл" АҚ ("ҚазМұнайГаз" ҰК АҚ-ның еншілес ұйымы) энергия сыйымдылығының тарихи минимумына қол жеткізді.
Бір миллион тонна мұнайды бір километрге тасымалдау үшін небәрі 3,7 тонна шартты отын жұмсалады, бұл 2010 жылмен салыстырғанда 2,4 есеге төмен көрсеткіш.
Компания электр энергиясы мен табиғи газды тиімді тұтынуға ерекше назар аударып келеді. Сорғы қондырғылары энергия шығынының 25%-ын, ал мұнайды жылыту пештері шығынның 65%-дан астамын құрайды. 14 жыл ішінде энергия үнемдеу 1,9 млрд теңгеге жетті.
"Атырау – Самара" мұнай құбырының учаскесінде температуралық режимді оңтайландыру маңызды жобалардың бірі болды. Манғыстау мұнай қоспасы (қату температурасы оң мәнде) Қашаган мұнайына (қату температурасы теріс мәнде) алмастырылды, бұл жылы мезгілде мұнайды жылыту пештерін өшіруге мүмкіндік берді.
2021 жылы мұнай жыл бойы үздіксіз жылытылса, 2024 жылы жылыту пештері 5 ай бойы өшіп тұрды. Бұл 10 млн м³ табиғи газды үнемдеуге көмектесті. Жалпы, 2022 жылдан бері газ үнемдеу 25 млн м³ құрады.
2011 жылдан бері компания ISO 50001 халықаралық стандарты негізінде энергия тиімділігін арттыру стратегиясын кезең-кезеңімен жүзеге асырып келеді. Бұл тәсіл компанияға тұрақты даму талаптарына сай болуға, шығындарды азайтуға және көміртек ізін төмендетуге мүмкіндік беруде.