Даниал Ахметовтің күйеу баласы уақытша ҚТЖ басшысы болды

"Қазақстан темір жолы" ұлттық компаниясы" АҚ басқарма төрағасының міндетін атқарушы болып бұған дейін ҚТЖ басқарма төрағасының логистика жөніндегі орынбасары қызметін атқарған Ерлан Қойшыбаев тағайындалды, деп хабарлайды YEDILOV ONLINE.

Ерлан Қойшыбаев - логистика, көлік және инвестициялық басқару саласындағы тәжірибелі маман. Оның кәсіби қызметінде квазимемлекеттік секторда да, мемлекеттік секторда да жұмыс істеген тәжірибесі бар. ШҚО-ның экс-әкімі Даниал Ахметовтің қызы Ахметова Әделияға үйленген.

Білімі:

• American University in Dubai  (2007) - "Қаржы және банк ісі" мамандығы;
• ҚазМЗУ (2008) - "Юриспруденция" мамандығы;
• Қазақ көлік және коммуникация академиясы (2017) - "Логистика" мамандығы;
• РФ Президенті жанындағы РАНХиГС (2018) - аймақтық және муниципалды басқару бойынша MBA.

Карьерасы:

• ҚР Қаржы министрінің көмекшісі (2007-2010);
• логистикалық орталықтар мен компаниялардың вице-президенті және президенті;
• Қостанай облысы әкімінің орынбасары (2019-2021);
• 2021 жылдан бастап ҚТЖ төрағасының логистика жөніндегі орынбасары.

Ерлан Қойшыбаевтың тағайындалуы ұлттық темір жол операторы басшылығындағы кадрлық өзгерістерге байланысты. Ол тұрақты төраға тағайындалғанға дейін компания басшысының міндетін атқарады.